شيد قصــــــــورك ع المزارع

شيد قصــــــــورك ع المزارع

شيد قصورك ع المزارع
من كدنا وعمل إدينا
الخمارات جنب المصانع
والسجن مطرح الجنينه
واطلق كلابك فى الشوارع
وإقفل زنازين علينا
وقلّ نومنا فى المضاجع
أدى إحنا نمنا ما اشتهينا
واتقل علينا بالمواجع
إحنا اتوجعنا واكتفينا
وعرفنا مين سبب جراحنا
وعرفنا روحناوالتقينا
عمال وفلاحين وطلبه
دقت ساعتناوإبتدينا
نسلك طريق مالهش راجع
والنصر قرب من عنينا
النصر أقرب من إدينا
أهو دا اللى صا ر - سيد درويش
أهو دا اللى صار
وأدى اللى كان
مالكش حق تلوم عليا
تلوم عليا ازاى يا سيدنا
وخير بلادنا ماهوش فى إيدنا
قلى على أشياء تفيدنا
وبعدها إبقى لوم عليا
مصر يا أم العجايز
شعبك أصيل والخصل عايب
خلى بالك من الحبايب
دولا أصحاب القضيه
بدل ما يشمت فينا حاسد
إيدك فى إيدى نقوم نجاهد
وإحنا نبقى الكل واحد
والأيادى تكون قويه

أحمد فؤاد نجم[b]

جميل جميل اخي رأفت تقبل مروري