من شعرحامدزيد

القصيده :انتي ولا شيّ
والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ
ـــــــــــــــــــــ
/

ما ادري شكلك رومانسي مرة يادكتور والا حبيت وحصلت مشاكل والا ايش ؟ اشوفك مهتم بقصائد الشاعر حامد زيد اللي فيها عن الخيانة والحلم والصداقة و...
اسال الله الا يحرمك ممن تحب وتعود الى بلدك سالما غانما ولايريك شرور الغربة وماسيها الكثيرة .

بالتوفيق .